榮華茶餐廳 (已結業)

就快遠行, 所以呢排食多d 傳統o既港式早餐--茶餐廳菠蘿包是也. 今次幫趁樂道呢間老排茶餐廳. 買左一個菠蘿包, 由前面睇時, 個菠蘿皮好澎湃, 多到好似覆蓋住成個包, 點知俾左錢拎到埋黎時--俾佢呃左, 原來成塊菠蘿皮歪左, 就好似一個禿頭中年咁, 唉...估唔到連菠蘿包都有中年危機......講返個味道, 呢個包甜度好低, 不過個皮就好脆(如果可以食返個少年版-- 有全塊脆皮, 應該會更好!), 幾健康, 可以配杯甜d o既飲品!而且好大個, 個包底焗到焦黃色, o岩我!