明洞Express (已結業)

尖沙咀有眾多韓菜，不過價格都唔太平，想貧窮地食韓菜，唯有黎呢到食～呢到係自助形式嘅，揀好野食，就行去收銀到落單同俾錢天氣開始轉熱，所以我就揀咗食人參雞湯(半隻)，好似好奇怪 ?其實韓國人最鍾意係炎熱嘅天氣食參雞湯，所謂以熱制熱lol 。呢個人參雞湯仲跟埋韓式泡菜、燉薯仔同白飯，而且價錢唔算太貴，可能因為係半隻雞嘅關係，但係都有唔少嘅雞肉，亦唔會好乾身 。原本人參雞應該會有糯米係入面，由於切開咗變成半隻雞，所以只有少量嘅糯米，略厭少咗彈性嘅口感 。湯底算中規中矩，有微微嘅人參味，而且仲可以搵到枝細細嘅參添 ～食韓式小食，一定少不了嗌個Kimbap紫菜卷飯，入面有醃蘿白、雞蛋絲、紅蘿蔔、蟹柳、牛肉、青瓜同牛蒡絲，相信應該係預先整好，所以啲飯有啲硬，不過味道都算唔錯 由於友人同我都係酒鬼 ，而且呢到啲野都幾平，所以就叫咗檸檬燒酒，原本諗住係平平無奇嘅綠色樽燒酒，估唔到係用壺上 ，燒酒味都幾重，檸檬味就無嘜，建議嗌柚子味會比較好啊~雖然野食都係一般，唔太差，不過勝在價錢真係比同區嘅韓菜平，如果月尾手緊，黎呢到就啱