禮 (天光道) (已結業)

今日去咗天光道探朋友，朋友帶我去咗附近一間好有格調嘅餐廳，入到去見到大大個月亮好有情調呀，估唔到呢頭都有D 咁高質素嘅日本餐廳❣️刺身四品配腐皮烏冬配漬物、蒸蛋、沙律、水果及味噌湯四色刺身有三文魚﹑池魚﹑油甘魚同帶子。魚類無筋無腥味，更加唔會有雪藏味，一食就知唔係一般貨色，而我最心儀帶子，非常鮮甜，而且好厚肉。四色刺身係Omakase，有機會次次都唔同款㗎，而且每日空運到港，可想而知有幾新鮮，其實睇個擺盤就知係誠意之作烏冬好大碗啊，雖然似清烏冬，但味道一D 都唔淡，而且仲有一大塊腐皮吸曬D 湯。烏冬好滑啫啫，就算浸左好耐都唔會淋滋滋❣️月見鵝肝和牛配漬物、刺身、蒸蛋、沙律、水果、味噌湯及御飯一大塊鵝肝遮住左半個碗，鵝肝油脂平均，有微微焦香，入口即溶。日式汁煮和牛，加埋生雞蛋，味道香濃，帶少少甜味，配埋珍珠米，仲可以吸收曬D 牛肉汁味噌湯絕對唔係開粉即沖嗰D，裡面仲有蜆肉㗎。茶碗蒸好滑，而且味道清淡順口，一食就知唔係用史雲X 雞湯hea 過。飯後果有提子同哈蜜瓜，佢仲係巨峰提子黎㗎！待應服務好好，會留意客人嘅舉動主動協助，仲會問客人對今餐嘅意見，的確好周到