樂天皇朝 (雅蘭中心)

营业中

休息中

餐廳位置於雅蘭中心二樓，同層仲有其他餐廳，不過呢間長期都咁多人排隊，今晚好好彩等左四個字左右就有位，座位比較逼，同隔離檯只隔大概一個身位，但多人食都無計🤷🏻‍♀️每檯都有一壺茶，隨檯附送既小食係花生同栗子，應該炆左好耐，食落好腍，我都小有地食哂成碟撈拌海中寶，有蝦仁，海哲同青瓜，個汁酸酸辣辣好開胃！完全係食唔停口，我諗個汁用黎溝雲耳食都唔錯🤔上海醬油鴨，食落似元蹄同金華火腿，食第一啖覺得都無咩特別，但食多兩啖又幾好味！肉絲年糕豬骨湯，個湯有菜味好鮮甜，我覺得好岩病人食😂唔係話佢淡，係因為個湯好清又好多菜好健康！肉絲比較小，年糕我覺得可以再煮耐小小，亦唔算太煙韌。不過份量好多！招牌小籠包皮好薄又多湯汁！絕對係必食啊！旺角都有好幾間上海菜，我覺得呢間係性價比高既！平日下午茶市段仲有半價