烏蠅館 (九龍中心大廈)

营业中

休息中

搬咗嚟新鋪之後第一次幫襯，因為每一次經過都好多人，所以今日專登12點左右就黎到，咁就唔使排隊。今次都係叫單人A餐，包左六個餸，另外加咗火鍋寬粉。今次叫咗淮山、蓮藕片，蘿蔔、芋絲、午餐肉、雞肉。雞肉我就覺得一般般，唔係好多用，而且連埋啲皮，食落去都比較肥。相反鮮淮山、蓮藕片、蘿蔔就份量比較多啲，每一樣都有三至四片，食埋芋絲同埋午餐肉其實都好夠飽。不過個人真係好鍾意佢嘅火鍋寬粉，好滑，好林，配埋個充滿蒜蓉嘅湯，連埋啲辣，真係一流！順帶一提，如果平時喺譚仔食開二小辣嘅話，喺呢度叫小/中辣都冇問題！