影片
更多
2009-03-01
25 浏览
其實如果唔係要入嶺南大學安排李燦榮做Training，再加上電視上星期介紹屯門元朗區圍村菜，我一定醒唔起呢間咁經典既乳豬酒家，而呢間酒樓係門口已經見到大大個招牌介紹佢地既"會飛、會走" 招牌菜 "乳豬，燒肉，雞"早上係嶺南食完一個經濟得來又不過不失既早餐，當然對呢個期待已久既午餐抱有好大期望，我地以為D新界酒家應該好容易搵車位點知我自以對當地好熟既"嶺南仔"都唔識搵，最後都係對面街過左妙法寺再入藍地大街停入一個私人屋村內泊車。停車後，其實沿藍地大街都好有元朗流浮山小鎮風情，唔係一定要去台灣海角七號先可以體會到呢種平靜既自然生活。我地四個人一入去當然係即刻叫半隻乳豬，隻乳豬送黎時溫度都算溫熱，但係因為呢隻豬就好似上星期老板係電視介紹，呢D豬係比一般乳豬多養兩星期，所以係香脆既面下有一層薄肉，口感十分豐富，再加上酒樓所配一隻好有酒香既海鮮醬，令你覺得好有一份心思的配合，連Uncle Yu 這位經常進出高級食店都大讚” 好野!”呢間酒樓除左有比較新裝修外，營運同點心設計仍然係保持70年代酒樓模式，你可以大帽川龍咁五點鐘去就係到飲茶，點心好有懷舊Feel，” 豬潤燒賣” ，”豬腳醋” ，”千層
"會飛、會走" 招牌菜 "乳豬，燒肉，雞"
早上係嶺南食完一個經濟得來又不過不失既早餐，當然對呢個期待已久既午餐抱有好大期望，我地以為D新界酒家應該好容易搵車位點知我自以對當地好熟既"嶺南仔"都唔識搵，最後都係對面街過左妙法寺再入藍地大街停入一個私人屋村內泊車。
停車後，其實沿藍地大街都好有元朗流浮山小鎮風情，唔係一定要去台灣海角七號先可以體會到呢種平靜既自然生活。
我地四個人一入去當然係即刻叫半隻乳豬，隻乳豬送黎時溫度都算溫熱，但係因為呢隻豬就好似上星期老板係電視介紹，呢D豬係比一般乳豬多養兩星期，所以係香脆既面下有一層薄肉，口感十分豐富，再加上酒樓所配一隻好有酒香既海鮮醬，令你覺得好有一份心思的配合，連Uncle Yu 這位經常進出高級食店都大讚” 好野!”
呢間酒樓除左有比較新裝修外，營運同點心設計仍然係保持70年代酒樓模式，你可以大帽川龍咁五點鐘去就係到飲茶，點心好有懷舊Feel，” 豬潤燒賣” ，”豬腳醋” ，”千層馬拉糕” ，”流沙包” ，佢地用既豬肉係十分新鮮，好有肉味，蛋味夾層十分香滑，而特別要介紹係” 燒腩卷” ，呢種點心係城市酒家已經失傳。
其實要仍然係市區食到非工場製造既點心就越來越少，仍肯自製點心既酒樓集團可能會係靜番聯邦，其實 ”Dim Sum” 係香港食品文化既表表者，我所有外國朋友黎香港佢地都一定要我帶佢地去飲茶，種類又多，又有創意，外型設計色彩繽紛，如果全部都係大陸工廠交黎既，我就真係唔知點解係經濟唔好既時期要花錢去食D千篇一津既中式Fast Food。
其實保留傳統文化，加注不同” 視、聽、嗅、味、觸”元素，就可以達到管理大師 Peter F. Drucker係佢既名作 ” Essential Drucker ” 講到所有行業可以都要有Innovation同 Marketing 既理由令客戶繼續幫親。
最後，要提係個價錢，我真係比季季紅老板打動，一隻乳豬都係3百幾文，我個日全部朋友對食物水準滿意，那班Local侍應個種好Raw既服務可以令你十分難忘，我有時間一定會再試埋佢個隻” 會飛” 既招牌菜。
张贴