印度咖喱閣 (已結業)

係工X會落堂就同朋友過對面文英街搵食，因為肚餓兼就腳，朋友又想試下新野，就揀左呢間係正街頭既印度野。值得一提係店長好攪笑同好客，外籍人士操流利廣東話，得閒會過黎吹下水。小弟本身都唔食得太辣，所以都有叫走辣或少辣。最後我地叫左個印度奶油雞、薄餅、烤魚、烤椰菜花同大蝦香飯。食物質數相當唔錯，個人很喜歡個奶油雞同蝦炒飯，奶油雞配薄餅黎食係正既，另外個蝦炒飯啲印度香料十分香口。唯一挑剔既地方係食物份量較少啦，而我又係比較大食既，不過以呢個價錢黎講，都算係抵食同好食既，可以翻啅。