相馬日式火鍋 觀塘 (已結業)

就算夏天熱辣辣都唔會阻礙到打邊爐既熱情🤭！今次同朋友黎到位於觀塘既相馬位置黎講都幾就腳咖。鄰近APM就係東廣場對面，我地怕要等位所以好早已經上咗去！入座既時候全場大概6成滿左右，到我地食緊既時候fullhouse。好彩我地醒目黎得早咋🤣牛牛愛好者既我都幾滿意呢到😈牛肉片雖然雪花唔多但係好重牛味！之前試過其他鋪頭都未解凍好就上枱呢度就唔會啦，而且唔會因為refill得多啲量就開始變少！丸類要出去自己夾，選擇都好多咖！好驚會遇著啲cheapcheap成舊粉既丸🤢呢度既丸都唔錯，有啲彈牙同埋唔會成口粉味！除咗呢啲基本野之外，呢度其實仲有好多小食、雪糕！價錢又合理，都幾大機會再黎覆桌💕