鮨釀 (已結業)

在社交平台很多推介這新開的餐廳，昨天到訪晚餐，訂了7:00 ， 6:45發現大廈的電梯鎖上，要到6:50電梯才會放行。到達時餐廳吧枱有10個位，由於是新開所以未有酒牌事先亦冇通知所以冇帶洒，唯有飲茶。到了7:05廚師通知我話有客人7:15才到所以大家要7:15先可以開始，這真是有別其他餐廳的處理手法。全程只係得一位廚師操刀10位客人所以上菜有點慢。全部食材廚師並無交代貨品來源，只是到了一款熟食煎魚時，侍應詢問菜式如何，我說煮得比較熟、老了一點。於是廚師解說道，這是本地貨不敢煮得太生。無語！至於壽司飯係偏酸同濕，廚師亦都玩咗四次飯。如果選擇用手吃壽司，就要有一啲功夫。我見隔離座位的女士用手吃，飯都係會散，跌落枱面。我自問功夫唔好所以都係用筷子吃。晚餐要二千幾蚊一位，我相信各位應該有其他選擇。