一芳台灣水果茶 (已結業)

同衰佬去完波鞋街食好西，衰佬話要朗豪坊睇埋嗰幾間波鞋專門店。唉！呀衰佬。。到底你要買幾多對波鞋先心足？我又跟喺佢後面扮跟得夫人，我咁好表現當然值得打賞吓啦。衰佬就話打賞杯嘢飲比我，我呢啲梗係即刻開個OPEN RICE睇吓附近有咩正嘢。比我搵到一芳台灣水果茶，原本就係喺朗豪坊入面四樓，九秒九拖衰佬落電梯（再睇波鞋唔得啦，屋企太多鞋。。）一芳水果茶店舖行懷舊格線，偏古舊日式風格，牆身掛滿飲品名字既木牌。我哋分別點咗金峰洛神檸檬同粉圓鮮奶茶。金峰洛神檸檬－濃郁的洛神花香，配上原個檸檬，酸酸甜甜的口感。粉圓鮮奶茶－粉圓的數量係驚人既，差不多一半杯的粉圓，一陣淡淡既黑糖味，飽肚的首選。