捌壹公館 (已結業)

同朋友試新野，外面睇吾多起眼，見到大廈外圍有裝修搭晒棚，差啲一度搵唔到，後尾問咗侍應表示應該下年年初會拆晒啲棚，咁之後黎就會易搵路好多講返食物先1️⃣孜然風味原隻單骨雞翼 - 目測都有3個完整雞翼，香草味好出，食落吾會偏咸，即使拆開咗單骨都係好多肉大大份2️⃣麻香海鮮扁意粉 - 呢度係我今晚最鍾意嘅主食，麻辣味一路都係嘴內，可能本人都鍾意食麻辣嘅關係所以好鍾意，意粉有少少硬度，所以口感吾錯，蝦好新鮮，卜卜聲3️⃣烤玉米片配牛油果醬及惹味紅椒醬 - 有別於出面食過既Nachos, 玉米片係偏化小小，吾同出面既硬身啲，吾會刮損嘴，又幾新奇幾特別！牛油果醬都幾fresh, 紅椒醬就吾辣，香香地4️⃣香煎北海道刺身帶子配黑松露忌廉意大利飯 - 落單時侍應有特別問我地意大利粉嘅軟硬度，我哋揀左正常硬度，後來佢有解釋返原來好多客人都鍾意食軟身小小嘅意大利飯，所以佢哋先會有呢個窩心嘅舉動。我覺得飯都幾香淡淡黑松露味，帶子又大粒又肥美，而且份量都幾想像中大份5️⃣明知茉莉花最愛是椰子 - 淡味小小，椰子味出6️⃣81 Signature - 幾特別既一杯飲品，有賣相又好味道，佢會有杯細既荔枝酒比你自己加上去，視乎自己需要