刕舙馫麵館 (已結業)

搬咗黎紅磡，第一次幫襯此店。先是被店名吸引，再而見到係刀削麵，所以今晚就買黎試試（其實好想坐低食，但礙於6點後無堂食，唯有買回家食）。因為外賣，怕返到屋企啲麵林晒，所以叫咗撈麵。落柯打時見到有部大機喺廚房，我見麵團似喺機器削，而唔係人手削（下次再睇清楚求真吓），第一次食，有啲貪心，樣樣都想試，最後叫咗豬扒牛撈刀削麵小辣，店員好nice咁仲送咗罐飲品。返到家急不及待即食，刀削麵夠咬口，撈埋啲蒜蓉麻辣醬好香，份量夠，味道都好，不過下次會叫多啲芫荽蔥。豬扒有醃過，但唔會林到無質感，牛剛好軟硬得宜。總結，係會回頭再幫襯嘅！