影片
更多
2021-10-27
205 浏览
最近天氣開始凍，想食燒肉，揾到銅鑼灣呢間燒肉放題就黎試下。呢間係以日本鬼怪為主題的日式燒肉店。主打高品質和牛燒肉放題，裝修好型格風，都幾岩打卡。佢地有3 款套餐，牛鬼$268、牛海姬 $368 同百鬼夜行 $588 一位，只有百鬼夜行餐先有日本和牛食，其他2個套餐就有頂級美國牛。如果唔想叫得太貴牛海姬就抵d，除左肉類都仲有好多壽司刺身同和食揀！和牛方面個人黎講對中腹肉同上小排肉印象最深刻！肉較厚身油脂分佈多，入口即溶。而牛版健香葱薄燒同牛舌都好唔錯，牛版健香葱薄燒係出面少有既款式。 而肉類醬汁都有得揀原味，燒汁或者係仙台味增。平時食燒肉好少食豬，但佢地既豚腩肉好好食，肉質軟加埋d肥膏，肥而不腻。另外想讚刺身同壽司，係極新鮮！呢2樣好有驚喜！本身以爲燒肉放題既刺身壽司會係中規中矩，但佢地既刺身好鮮甜！三文魚，帶子同甜蝦我地encore 左3次和食方面一定要食明太子雞翼，去左骨，啖啖肉塞滿明太子好正。海鮮方面，香蒜牛油帆立貝都推薦，墨魚仔都爽口，整體黎講海鮮都好新鮮。野飲方面選擇就較少，除左汽水之外得菠蘿汁同蘋果汁。不過因爲個人好中意菠蘿汁，佢既菠蘿汁幾fresh唔會死甜又吾假，所以已經滿
呢間係以日本鬼怪為主題的日式燒肉店。主打高品質和牛燒肉放題，裝修好型格風，都幾岩打卡。
佢地有3 款套餐，牛鬼$268、牛海姬 $368 同百鬼夜行 $588 一位，只有百鬼夜行餐先有日本和牛食，其他2個套餐就有頂級美國牛。如果唔想叫得太貴牛海姬就抵d，除左肉類都仲有好多壽司刺身同和食揀！
和牛方面個人黎講對中腹肉同上小排肉印象最深刻！肉較厚身油脂分佈多，入口即溶。
而牛版健香葱薄燒同牛舌都好唔錯，牛版健香葱薄燒係出面少有既款式。 而肉類醬汁都有得揀原味，燒汁或者係仙台味增。
平時食燒肉好少食豬，但佢地既豚腩肉好好食，肉質軟加埋d肥膏，肥而不腻。
另外想讚刺身同壽司，係極新鮮！呢2樣好有驚喜！
本身以爲燒肉放題既刺身壽司會係中規中矩，但佢地既刺身好鮮甜！
三文魚，帶子同甜蝦我地encore 左3次
和食方面一定要食明太子雞翼，去左骨，啖啖肉塞滿明太子好正。
海鮮方面，香蒜牛油帆立貝都推薦，墨魚仔都爽口，整體黎講海鮮都好新鮮。
野飲方面選擇就較少，除左汽水之外得菠蘿汁同蘋果汁。不過因爲個人好中意菠蘿汁，佢既菠蘿汁幾fresh唔會死甜又吾假，所以已經滿足haha。
overall 黎講係個好好既用餐體驗！其實最後試吾曬所有野食，種類太多，留待下次再黎。
員工都好nice 態度好好，會教我地點燒。環境又舒服，新净乾爽，好怕去燒肉店個地同檯面痴lup lup。
所以極推薦！
张贴
