牛大人台灣火鍋吃到飽 (瓊華中心) (已搬遷) 新店位置

人氣火鍋店開到黎香港緊係要試下，9點入座都仲好多人等緊！ 果然打邊爐既威力係咁大！入到去發現位置都幾闊落，幾乾淨！每一款湯底都好吸引好特別，係其他同類型既鋪未見過的，就叫左店員推介既牛大人紅燒牛骨鍋。呢到分左3個價錢，都唔算太貴，所以叫左最多款簡既澳洲極上和牛吃到飽，仲送埋和牛牛丸！ 牛味超濃啊！又彈牙！呢到係電話scan qr code落單！仲有其他台式特色小食，好似甜不辣,鹽酥雞等等。呢到既牛真係好出色，咁既價錢真係可以話好值。呢到仲有自家製既飲品！白桃烏龍、桂花烏龍好解渴啊！ 茶味都夠濃！店員仲推介啤酒，叫流水落花，平時好怕啤酒苦澀既味道，但呢個有花香，真係幾唔錯！最後既甜品都好有驚喜。除左movenpick，仲有限定既仙草凍，超推介！