Dark Leaf Cafe & Lounge

营业中

休息中

朋友仔請食飯，去左旺角一間格調幾好嘅西餐廳，燈光暗暗哋好適合情侶晚餐😀仲有一個圓形嘅打卡牆，幾靚。隔離全部都係情侶，果然係個浪漫好地方。澳洲黑安格斯西冷牛扒同平時嘅安格斯唔同，黑安格斯有大量細緻均勻分佈嘅大理石紋脂肪，脂肪唔會過多，肉質係更加鮮嫩多汁✌🏻火候剛剛好裏面仲係粉紅色！醬爆魷魚份量都幾多佢哋嘅醬汁獨特，魷魚亦都10分脆口用來送酒✌🏻水牛城雞翼全隻雞翼炸得透，超級香脆，隻雞翼相當之肥美大大隻。佢哋個水牛城辣汁係分開上，啱晒唔係太食得辣嘅朋友仔，自己選擇辣汁份量威士忌燻茶由於有燻茶聞落去已經好香好舒服，味道唔會好濃成個感覺好型格。Rain forest，個Base用咗 rum有種清新薄荷香。