素味牽 (已結業)

黃金商場附近一直係深水埗最繁忙嘅平民食堂茶餐廳、米線、日本菜，幾乎數得出嘅都有！最近流行嘅新派素食亦當然有啦！今次去左位於元州街圖書館對面嘅「素味牽」我同朋叫咗兩餸飯同素肉鍋，仲有新推出嘅意式香草雞麻香燴飯兩餸飯、素肉鍋都由唔同食材配搭，包括菇菌、豆品、蔬菜等，營養豐富均衡而麻香燴飯既有忌廉汁嘅質感，竟然仲夾雜住川菜嗰種麻辣嘅味道，令人驚喜！為咗推廣素食，呢間餐廳嘅食物不但價格親民，亦有唔同類型嘅菜式吸引唔同口味客人而兩餸飯更會不時轉換菜式。另外亦有仿真素肉「黯然銷魂飯」入面嘅素叉燒確係幾可亂真！無論有冇素食習慣，各位下次嚟參觀生活館嘅時候不妨去試食一下！