蒲頭島 (已結業)

放假前夕，又係放題時間了。今次揀咗呢道個鐵板燒+邊爐兩食，揀咗個餐包咗海鮮同打邊爐放題。一上枱就係一大碟海鮮，有龍蝦、扇貝、鮑魚、大蜆、海蝦、班腩、蜆仔、青口同蟹柳。蟹柳我覺得要黎打邊爐好啲，所以無攞黎燒。鐵板燒蝦同燒龍蝦燒緊果時已經香氣撲鼻，完全唔使落任何調味料。食食下去攞嘢飲時發現原來食物corner好大，行極都仲有，除咗火煱配料仲有熟食、雪糕、飲品。啲冷盤小食幾好食，另響鈴幾鬆趣，無話擺到淋哂咁。肉類黎講，個餐包嘅級數我覺得都足夠，特別要提嘅係個花鵰雞肉，超級好味，我地encore咗幾次總括黎講係抵食都夠多選擇，連埋熟食已經令到你停唔到口了，仲有埋鐵板燒海鮮，性價超高