鍋心八鮮蒸鍋

营业中

休息中

一年前在大圍店食過，一直都想再食，但真係太遠，今次見原來係太子開左，立刻約朋友去。book左八點半果場，提前去到都可以入座，唔錯。一坐低，揀好海鮮蒸法同八寶飯材料後，老火靚湯就送上。個湯非常足料，有蟲草花，竹絲雞，豬肉，雞腳，飲完已經有小小飽。波士頓龍蝦揀左金銀蒜蒸，好好味，龍蝦唔細隻，所以多肉，d膏好正。鮑魚揀左清蒸。都好大隻下，爽口彈牙，好味。海蝦就蒜蓉蒸啦，不過不失啦，蝦肉都算爽口。多寶魚破格揀跺椒蒸，原來好好味，夠曬辣又夠香，有驚喜。大蚌原來係聖子，用豉汁蒸，味道太濃，豆豉多左d，蓋左聖子本身的鮮味。不過都幾爽口。花甲蒸得耐左，有d老，不過都幾鮮甜。蟹就好好味，多肉多膏，好鮮甜。正到爆。鮮魷魚，記得上次係沙爹蒸，覺得不配，所以今次試紅糟蒸，味道依然係唔夾，唯一敗筆就係呢個。個蒸飯真係好豐富，不過略嫌d飯有d硬，不過尚算接受到，我地每人各食兩大碗。最後係木瓜雪耳糖水，好好味，清清甜甜，飲完喉嚨好舒服。值得一讚再讚噶係店員服務態度非常好，好nice同細心。朋友話一定會再離食，我都會。