再興燒臘飯店

营业中

休息中

再興嘅燒臘係嗰种，妳食完之後唔會覺得有幾驚喜，但係妳下次一諗住食燒臘嘅時候就會諗起再興，因為再興會卑人覺得燒臘就係咁樣嘅味！依家天口興，一般例湯都係西洋菜煲豬骨，下火、解膩，我都幾鐘意飲呢度嘅例湯，唔會全部都係味精味咯！燒臘飯嘅話，可以雙拼可以三拼都得，妳鐘意喇，我嘅三寶飯，白切雞，臘排骨，燒鴨，上面加咗D薑蔥，香噴噴吖，薑蔥撈飯我至鐘意喇！但係如果食完之後仲要返工或者見乜重要嘅人就要注意喇，係人都知，蔥雖然冇洋蔥同蒜咁重口味，但係威力都唔細加。白切雞肉滑，雞皮好清爽。燒鴨皮脆柔嫩，味道係三樣之中最好嘅，排骨就比較一般，不會每樣嘅分量真係唔少，鐘意食肉嘅都會幾滿足下喇！