雲南啊老表黑山羊湯鍋米綫 (觀塘工業中心) (已搬遷) 新店位置

呢间米线喺官塘可说是深入民心，早喺旧址观塘广场既时候已经成日去食，系老表既小fans。之后观塘返工更加带几个同事一齐去，大大碗又可以叫几个小食share，真系食得好开心，好满足。宜家间唔中放工偷懒都会中途喺观塘泳池落车上天桥过去食~ 搬左大舖坐得舒服d，更加多左款式～呢度既米线有大细碗size，基本上一人食细碗已经够，大碗可以2人share了！除左招牌黑草羊，仲有牛腩、猪、鸡等，而我最爱就系黑草羊肉连皮米线，呢度个汤头真系好正，每次都要先喝几口。今次点左牛羊双拼米线。不过牛腩略嫌瘦咗啲，葱会用汤匙装住，唔食葱可以唔落，好细心。另一碗叫左净羊肉米线。呢度既蒜泥白肉，蒜泥跟白玉系分开的，薄薄既白肉一层层色泽分明，将加左白醋既蒜泥放上白肉一齐食，蒜同醋香朴鼻，好有层次！唔同外面食既有麻辣油既味道。 试埋猪手，猪皮系烧过既特别香口，肉质够淋，筋位软滑。饮品方面少有地可以拣(冻/热)蜂蜜，仲有茶蜜， 够晒清甜滋润！