極尚大瀛喜日本料理 (已結業)

又到開開心心食放題嘅時候啦，今次特登過嚟銅鑼灣呢間大瀛喜試吓，我啲同事話觀塘嗰間質素好高，今次一於試吓銅鑼灣呢間質素掂唔掂先。我哋五點三左右就已經想到去排隊，上到去已經勁多人係到排隊，門口企嘅位置唔係好多，如果下次想去可以唔使咁早上去。呢間放題好多熟食可以自己出去拎，所有食物都排得整整齊齊。酒煮田螺好好味，如果大家食得辣嘅話一定要出去拎黎試吓，勁入味，同埋麻辣味唔係話太重。呢個帶子又係推介，我食咗好多隻，雖然整出嚟係好多油同埋好肥嘅感覺，但係個醬真係好好味。推介！刺身、壽司、其他熟食都好出色，同事快手快腳上菜好快，收野都好迅速，整體上好食過三間大瀛喜，我覺得銅鑼灣呢間最好，我會推介同事一齊下次再嚟呢間試吓。