栢檔極品海南雞飯

营业中

休息中

喺淘大睇完戲餓餓地，同友人嚟咗呢間餐廳試下先。一人套餐有五款主菜可以揀，跟餐有一碟蠔油生菜，包埋飲品或中湯，仲有一粒雪米糍做甜品，好抵食！另外仲可以揀白飯或者油飯。海南雞啲骨去得好乾淨啖啖肉，肉質好嫩滑好有雞味。醬汁有三種提供，點埋食更加惹味。豬頭肉厚切爽口，邊位燒得濃濃地好香口。是日中湯係蘿蔔豬骨湯，味道好清甜無味精夠曬健康。另外仲點咗份麻辣鳳爪小食，啲肉醃得好入味唔算太辣，另外仲去埋骨好貼心。青檸梳打係罐裝另上，沙沙聲好夠氣。