Via Tokyo (已結業)

身為via tokyo既忠實fans，每個月至少食兩次🙊。佢成日都會keep住出期間限定既雪糕同冰，比起冰，我會更鐘意食佢d雪糕，因為食落有好濃郁既奶味😋。咁多款期間限定雪糕入邊，個人認為黑芝麻雪糕最出式，雖然自己對黑芝麻無咩特別感覺，但好鐘意食佢既黑芝麻雪糕！質感好幼滑，黑芝麻味唔會話好重，同牛奶融合得好好，每次見到有都會必點！除左雪糕，via tokyo都出唔少期間期定既冰，但大多都伏伏地，之前出既櫻花冰味道就似普通士多啤梨味道，而且冰溶得好快，食到最後好似飲湯咁。via tokyo既冰既質素一直好唔穩定，但上次monster 食既黑芝麻冰就好好食，但唔知點解櫻花味既冰入邊d核桃係苦既，下次都係食翻雪糕穩陣d。