好燒式串燒專門店 (砵蘭街)

好燒式係我同男朋友最鐘意既串燒舖🍢，事緣有次上網google串燒舖就搵到呢間🤣已經幫襯過幾次架啦，不過個時未開始寫食評，所以到而加先補寫。

今次我地又黎食好燒式，好彩都仲有位，唔洗等就可以入座。今次都係嗌左好多之前試過好味既串燒，再加一啲新嘗試😂。雞翼、雞軟骨、雞腎、多春魚、魷魚鬚⋯⋯呢啲平時都嗌開，燒得好正，好香～！日本年糕係本人最愛🤣，煙煙韌韌！

👉🏻 牛油金菇包
呢個必食！牛油太香啦😭真係好好味！

牛油金菇包

👉🏻 韮菜｜翠玉瓜
韮菜又係燒得好香😭👍🏻（題外話：我整跌左一舊翠玉瓜，侍應哥哥即刻幫我清潔番個地下，真係唔好意思😫但佢地服務真係好好）

韮菜

翠玉瓜

👉🏻 菠蘿｜朱古力香蕉
菠蘿好甜～朱古力香蕉就第一次食，侍應哥哥上碟個陣仲提我地要襯熱食👍🏻！但我覺得就普普通通，係熱既香港加朱古力醬⋯😂

菠蘿｜朱古力香蕉

👉🏻 芝士墨西哥薄餅
呢個又係我地必嗌，因為淨食串燒食飽都唔少錢，所以我地會嗌個薄餅墊底先🤣

芝士墨西哥薄餅

因為舖頭大細所限，要比個位比啲book左檯既客，我地食食下要轉位（之前食都係咁），所以有少少麻煩～但不得不提，好燒式既服務真係好好，侍應哥哥仲同我地有講有笑😆！