瑞記咖啡

营业中

休息中

今日午飯時間陪朋友去上環政府熟食中心呢間餐廳試食， 我個朋友古靈精怪，成日周圍搵嘢食 。其實我麻麻地鍾意去街市食嘢架咋，我覺得街市環境唔係咁好，又迫、又舊、又dirty、坐得又唔舒服 。不過佢話聽人哋講好好食， 即管陪佢去睇下啦。去到首先研究餐廳嘅覆蓋版圖，睇吓邊d枱係屬於呢間餐廳，再睇吓邊度有人就食完，都花左10分鐘。見大家都飲樽仔奶茶，我地當然要試吓啦。樽仔奶茶果然名不虛傳，香濃、滑。飲一樽唔係好夠。蛋牛包都好食，新鮮又香。牛麵ok啦，唔係非常特別。