幸福四季椰子雞 (譽發廣場)

营业中

休息中

試過好多椰子雞火鍋，尤其疫情之前常出差公幹，係深圳試過，係海南更加試過無數次。呢間係我係香港唯一食到最正宗既椰子雞火鍋，湯底真材實料，夠純且清甜鮮味，加入文昌雞靜待幾分鐘，一鍋椰子雞湯即完成，雞肉鮮嫩入味，一啖湯一啖雞，實在令人停唔到口；最精髓係個調料，青檸沙姜小米辣椒同醬油搭配出黎既醬汁，令每一個食材都特別清新鮮味，胃口大增！最推薦佢地手打肉丸，單點或者套餐都可以叫，套餐可以試曬四樣，每種別具特色，粒粒超足料，無論口感定係味道都係一流，試一次就知佢幾真材實料，話佢係係香港好少數咁有心機手打靚丸，絕不為過。套餐性價比高，夠飽肚，選擇多，最重要食完完全唔覺得膩，越食約想食，強烈推薦👍