磊犇 (已結業)

又到咗星期五嘅時間喇 , 真係happy Friday 一早約左啲個朋友去試下旺角呢間磊犇價錢唔算特別貴 。出面門口位點餐先，佢有三種磊牛扒，牛肩肉，西冷牛扒。當然試下中間價既牛扒先啦要左個400g既牛肩肉。買完入去坐低搵位等拎餐要自己去拎。有個自助區，有湯、飯、飲品、沙律、泡菜蘿蔔。飯品都唔錯有綠茶、菊花茶、洛神花山渣花茶可以清下熱氣。遮取餐牛扒先用紙巾遮住，防止啲油彈到因為都彈得幾勁，餐廳也有提供圍裙，如果好多人會中招。400g既牛肩肉黎啦一成熟上熱石自己一路切一路自己燒，要幾多成熟自己話事。牛味重有夠冧，都唔錯。如果唔食太熟記得控制住嚿牛啦 ，鐘意食牛既朋友都可以黎試下啦！