沐白小農 (已結業)

最近好多朋友都有試沐白小農,最近俾我發現原來尖沙咀有新分店,咁我梗係即刻去買番杯飲啦有別於一般珍珠奶茶店,呢間入面仲有位可以俾你坐喺度慢慢嘆嫁最貼心嘅係佢哋仲會有埋插頭同充電線比你充電,就算坐足一日都唔洗驚飲品款式好多,但係唔同朋友你都可以揀自己鍾意既嘢飲我就叫咗杯沐白黑糖波霸鮮奶,奶味濃郁而且唔會太甜,珍珠亦都好新鮮好煙韌不過記得搖暈杯野先好飲呀朋友就叫左大甲芋頭鮮奶,芋頭味好重,而且入面仲會有粒粒芋頭肉,有得飲又有得咬,口感層次豐富最後一位朋友就叫咗蜂蜜檸檬,飲落酸酸甜甜好解渴,夏天飲就最岩啦