Fat Angelo's (已結業)

上個月的母親節，一家人去了食中菜；父親節，同樣是提早食，今次去吃西餐罷！老豆最叻就熊貓酒店，所以很自然就想起熊貓酒店商場既Fat Angelo's。貪佢價錢適中又唔使再走去酒店上面個間歐陸餐廳咁悶。一家四口都唔係大食之人，知道這裡的份量有番咁上下，自然不敢order其四人套餐。就一份二人套餐，有包、有沙律、三文魚闊麵、白酒煮青口、吉列雞胸和自選兩款甜品和兩杯飲品；另外再加一客什錦海鮮。先來四大個麵包，好脆好鬆化，牛油也香，不過自己食量始終有限，只吃半個便可。沙律大大份，生菜、蕃茄、欖、洋蔥等都新鮮清爽，老豆食唔少。什錦海鮮的是蕃茄汁，不錯的醬汁。蜆肉、青口、魷魚鬆、魚塊等等。海鮮全部都鮮甜好味，魷魚鬆更有口感；還有幾片的蒜茸包，點醬食一流！白酒煮青口。雖然之前的什錦海鮮也有青口，但醬汁唔同，口感也截然不同！白酒加上芝士，醬汁十分清香。青口size唔細，肉質鮮嫩。吉列雞胸是媽媽最欣賞的。雞肉嫩口鬆化，也不會因吉列而弄得太多粉，且有雞肉味，表層還加上芝士，倍感香脆。可惜老豆唔食雞，錯失一大美食。三文魚闊麵其實都唔錯，不過醬汁太多，家人不太喜歡。甜品要朱古力芝士餅和Apple Crumble