影片
更多
2013-12-02
45 浏览
有幸來到"宏" 呢間日式店鋪試食，多謝宥關方面既邀請。本身我對"宏"既印象係抹茶蛋卷同一啲甜品咁啦，但原來呢間食店既食物選擇都幾多，尤其係咸食等除甜品以外既食物。門面(左)與menu(右)和風海鮮海藻麵意粉意粉加入左海藻同埋日本小麥粉製成，海鮮幾爽口，意粉唔會太腍身但係比較上油左少少。叉燒醬油海藻湯烏冬麵叉燒口感幾腍，湯有木魚味道，幾清甜，海藻烏冬幾軟滑，唔錯。豚肉生姜燒飯套餐我覺得呢個選擇唔錯，米係用上日本秋田縣既米，秋田縣有肥沃土壤同足夠水分，飯既口感比較有粘性同彈性。豚肉幾腍，味道幾入味，醬汁幾香。米既質素高，難怪喺日本都有拎過獎項。蘿蔔漬物(左上),蘋果茶(右上),天婦羅(左下),日式咖哩飯(右下)蘿蔔漬物(左上)，有清酒既香，蘿蔔幾爽脆。蘿蔔來自日本奈良縣。蘋果茶(右上)，我推介呢杯茶！ 用上英國皇室都選來款待客人既斯里蘭卡高級茶包mackwoods，聞落幾香蘋果味，飲落發出淡淡清香，唔會鞋口，茶包就算重新沖三次都係咁濃，幾好飲！仲有芒果同伯爵茶包等選擇。天婦羅(左下)，有炸洋蔥，茄子同市面上較少見到既秋葵，炸粉幾薄，都幾脆口。日式咖哩飯(右下)，一向日式咖哩係比較甜，唔似印
本身我對"宏"既印象係抹茶蛋卷同一啲甜品咁啦，但原來呢間食店既食物選擇都幾多，尤其係咸食等除甜品以外既食物。
門面(左)與menu(右)
和風海鮮海藻麵意粉
意粉加入左海藻同埋日本小麥粉製成，海鮮幾爽口，意粉唔會太腍身但係比較上油左少少。
叉燒醬油海藻湯烏冬麵
叉燒口感幾腍，湯有木魚味道，幾清甜，海藻烏冬幾軟滑，唔錯。豚肉生姜燒飯套餐
我覺得呢個選擇唔錯，米係用上日本秋田縣既米，秋田縣有肥沃土壤同足夠水分，飯既口感比較有粘性同彈性。豚肉幾腍，味道幾入味，醬汁幾香。米既質素高，難怪喺日本都有拎過獎項。蘿蔔漬物(左上),蘋果茶(右上),天婦羅(左下),日式咖哩飯(右下)
蘿蔔漬物(左上)，有清酒既香，蘿蔔幾爽脆。蘿蔔來自日本奈良縣。蘋果茶(右上)，我推介呢杯茶！ 用上英國皇室都選來款待客人既斯里蘭卡高級茶包mackwoods，聞落幾香蘋果味，飲落發出淡淡清香，唔會鞋口，茶包就算重新沖三次都係咁濃，幾好飲！仲有芒果同伯爵茶包等選擇。
天婦羅(左下)，有炸洋蔥，茄子同市面上較少見到既秋葵，炸粉幾薄，都幾脆口。
日式咖哩飯(右下)，一向日式咖哩係比較甜，唔似印度或巴基斯坦咖哩既香料咁濃味。呢間既日式咖哩同其他店鋪一樣幾香甜，但唔同既就係呢間既日式咖哩係較為spicy 少少，增加味道層次感。
炸雞(上),炸豬扒(下)
嚟到日式既食店，當然要試下炸物。炸雞(上)炸粉幾薄，入面既雞幾嫩滑，炸既功藝唔錯。豬扒方面炸粉都係幾薄，豬扒都幾鬆軟，唔錯。純日本大鰻魚飯(上),抹茶雪芳蛋糕(下)
燒鰻魚飯既鰻魚用上日本靜岡鰻魚，用上飼養期較長既優質魚苗，一條細既魚苗都要60蚊！ 難怪呢個純日本大鰻魚飯套餐(配鰻魚飯，海藻湯烏冬及蘿蔔漬物)賣成$380 一客！鰻魚已經去骨，唔腥，肉質幾滑，醬汁亦幾鮮甜，飯亦都係用上秋田縣既米。雪芳蛋糕方面，蛋糕口感較粗糙，抹茶味尚算香濃，cream 口感都幾smooth。全個只需$180，做生日蛋糕都唔錯。
蛋卷-香草(左上),抹茶(右上),咖啡(左下),朱古力(右下)
蛋卷嚟講口感都幾鬆軟，香草(左上)-蛋味同奶味都香。
抹茶(右上)-抹茶味幾清香，但味道唔算太濃。
咖啡(左下)-用日本咖啡豆滴漏八小時而製成，咖啡味確實幾香濃。
朱古力(右下)-用上法國Valrhona朱古力品牌，朱古力味幾重，亦好香，不錯。
题外话/补充资料：
本身對宏呢間店鋪只係有甜品同抹茶等既印象，原來店方用心製作左好多咸食，例如炸物，tempura，鰻魚飯，意粉同烏冬等，滿足唔同客人需要，整體味道其實唔錯，加上用心製作，店員服務態度亦唔錯，令我對呢間食店有更深刻既了解同印象。I will be back。
(以上食记乃用户个人意见 , 并不代表OpenRice之观点。)
张贴
