三多

营业中

休息中

放工趕住去 Eternal 鏢賽，偷雞食啲野先，無幾可過黎依邊，再戰三多啦！上次都係因為鏢賽先黎幫襯，自從無左外賣服務已經好少食嚕。七點幾居然滿座，得個臉壁位，是但快快食完算數。回鍋肉炒出前一丁，上次試左五香肉丁，今次就回鍋肉啦。點解五香肉丁、回鍋肉炒出前一丁都係濕炒呢？而且同一味道咁搞笑。食落似撈麵多於炒麵，偏甜醬汁撈上芽菜椰菜出前一丁，無鑊氣可言。乾炒香辣好多喎，好采依家味道都算滿意啫，唔難食。油皇雞髀，成日都係食炸髀，難得有油髀梗係食啦！都等得幾耐吓，食完個撈出前一丁都未到，莫非即叫即浸？終於送到喇，外面暖暖地，裡面就室溫啦。豉油皇雞髀都唔錯，味道清香，不咸不嗆剛剛好，肉質都夠嫩滑。同似前 Wicky 主廚既既油髀完全唔同，因為用壓力煲炆浸，雞皮非常膠口，豉油味特濃，倒有點咸有點濁。炸髀似前較好，油髀就依家較好！。不論堂食外賣都係用即棄發泡膠、木筷子、膠刀叉，感覺好 cheap。