影片
更多
2010-06-21
3 浏览
一年一渡父親節,今晚就一家人嚟咗呢間羽壽司7點鐘已坐咗八成(可能因為父親節)一坐低,侍應好快就俾茶,跟住就向我哋推介醬汁燒三文魚壽司(特價$10/客),ORDER咗兩客,燒得幾香,配合埋啲汁,都幾特別另外ORDER咗其他嘢三文魚壽司:$10/客,但都唔會好薄,而且幾新鮮珍寶帶子壽司:超大隻,而且好鮮甜芝士皇帝蟹柳沙律軍艦:好重蟹柳味,正特大原條海鰻壽司:特價$10/件,抵食,ENCORE叫多兩客正當睇緊MENU考慮再食乜嘅時候,特然聽到好大聲嘅(依啦SA YI MA SEY),望過去見到經理揸住枝咪推介特價食品,鹽燒三文魚鮫,啱啱燒起,梗係試啦,$20大大件,抵,而且好好味過多10分鐘,經理又開咪,呢次推介即劏活魚壽司,石蚌$20/客,叫咗兩客,真係好新鮮隔籬枱仲叫個經理埋去問石蚌即係咩魚,佢都好耐心咁講解,跟住就見到佢哋叫咗刺身原條上,條魚上到枱都仲識郁,盡顯師傅刀工,而且擺設好靚,(可惜無帶相機,唔係一定偷影俾大家睇),見隔籬枱食完條魚,經理再幫佢攞條魚骨去煲湯,見到都想飲,下次一定要試原條刺身再叫咗幾樣熟食,鰻魚炒飯,燒羊架,串燒牛脷,都算OK其實之前去過幾間羽壽司,佢哋都係播聲
7點鐘已坐咗八成(可能因為父親節)
一坐低,侍應好快就俾茶,跟住就向我哋推介醬汁燒三文魚壽司(特價$10/客),ORDER咗兩客,燒得幾香,配合埋啲汁,都幾特別
另外ORDER咗其他嘢
三文魚壽司:$10/客,但都唔會好薄,而且幾新鮮
珍寶帶子壽司:超大隻,而且好鮮甜
芝士皇帝蟹柳沙律軍艦:好重蟹柳味,正
特大原條海鰻壽司:特價$10/件,抵食,ENCORE叫多兩客
正當睇緊MENU考慮再食乜嘅時候,特然聽到好大聲嘅(依啦SA YI MA SEY),望過去見到經理揸住枝咪推介特價食品,鹽燒三文魚鮫,啱啱燒起,梗係試啦,$20大大件,抵,而且好好味
過多10分鐘,經理又開咪,呢次推介即劏活魚壽司,石蚌$20/客,叫咗兩客,真係好新鮮
隔籬枱仲叫個經理埋去問石蚌即係咩魚,佢都好耐心咁講解,跟住就見到佢哋叫咗刺身原條上,條魚上到枱都仲識郁,盡顯師傅刀工,而且擺設好靚,(可惜無帶相機,唔係一定偷影俾大家睇),見隔籬枱食完條魚,經理再幫佢攞條魚骨去煲湯,見到都想飲,下次一定要試原條刺身
再叫咗幾樣熟食,鰻魚炒飯,燒羊架,串燒牛脷,都算OK
其實之前去過幾間羽壽司,佢哋都係播聲帶,呢到就真人叫咪,氣紛好好多,而且呢到父親節都唔會有搶錢嘅感覺,不停向人客推介特價食品,抵讚
张贴