當然約個好朋友出嚟食個靚靚下午茶，上網搵到呢一間係中環大館嘅富，見佢裝修好靚，又勁有少女心嘅粉色設計！咁就去試吓喇，都驚冇位，事前一早就book定位先，由中環站行去大館，已經熱到爆曬汗，入到去大館勁多人，仲要搵第三座3樓嘅餐廳。真係頭都暈
終於搵到諗住入去涼下冷氣啦，去到門口接待處好似見到你都唔會主動問，要走去話book左枱先會安排，點知就得室外座位
。已經熱到滿頭大汗，我忍唔住同店員講可唔可以調入室內，過左10分鐘室內有位，咁我哋就以為有得入室內涼冷氣，點知原來安排入咗室內旁邊一間細房仔，入到去仲焗過出邊。。。間房仔接近冇冷氣而且個太陽曬到正，但係又冇窗簾。係個房仔入邊嘅客人都已經熱到出晒汗，但服務生都理過我地。而且個房仔係冇服務生喺度，所以叫野要出去點菜，但係店員嘅服務態度真係一般，呢點有啲失望。最後真係熱到頂唔順，再三要求服務員先幫我地閂左半個窗，先叫做擋到少少陽光。
下午茶來講打卡的確不錯，但味道其實都係不過不失，但服務態度同冷氣方面要改善一下。
