影片
更多
2010-07-22
7 浏览
5月5日, 105週月繼續慶祝!~繼上次一心黎食不過摸門釘, 今日下定決心一試~ 當晚都幾早去, 大概6:30, 本身成間舖只得一兩枱, 但佢地已經同我地講話因為臨近母親節, booking full晒, 唔可以坐太耐就要交枱, 心諗係咪真係咁好食呀? 一坐低就有個女人好親切咁介紹我地食呢樣食嗰樣, 應該就係傳聞中嘅老闆娘, 果真形容十分貼切, 聽佢介紹都超過十款, 如果叫晒我地點食得晒呢~::: 柚子蟹肉沙律 ::: $28見佢個配搭幾特別, 而上枱賣相都幾精緻, 不過食落就比較普通… 蟹肉係用急凍蟹柳呢點已經唔太滿意, 仲一pat樽裝沙律醬係咁唧上面, 再加一堆蟹子唔知為乜, 所以只係柚子撈蟹柳撈埋沙律醬, 喺屋企都整到… 分開食仲好, 好彩柚子都算新鮮, 都幾開胃.::: 牛油雞翼 (半份) ::: $38老闆娘話見我地得兩個人所以比我地叫半份試下~ menu好似係無半份叫嘅! 瘦弱嘅雞翼, 賣相已經輸咗, d炸粉仲好似好少咁, 比起其他食評嗰d差唔多細隻一半… 因為牛油蒜好少, 所以食落冇咁肥膩, 不過已經唔太似牛油雞翼…::: 咖哩牛腩飯 ::: $35最似樣係呢個, 咖哩十
繼上次一心黎食不過摸門釘, 今日下定決心一試~ 當晚都幾早去, 大概6:30, 本身成間舖只得一兩枱, 但佢地已經同我地講話因為臨近母親節, booking full晒, 唔可以坐太耐就要交枱, 心諗係咪真係咁好食呀? 一坐低就有個女人好親切咁介紹我地食呢樣食嗰樣, 應該就係傳聞中嘅老闆娘, 果真形容十分貼切, 聽佢介紹都超過十款, 如果叫晒我地點食得晒呢~
::: 柚子蟹肉沙律 ::: $28
見佢個配搭幾特別, 而上枱賣相都幾精緻, 不過食落就比較普通… 蟹肉係用急凍蟹柳呢點已經唔太滿意, 仲一pat樽裝沙律醬係咁唧上面, 再加一堆蟹子唔知為乜, 所以只係柚子撈蟹柳撈埋沙律醬, 喺屋企都整到… 分開食仲好, 好彩柚子都算新鮮, 都幾開胃.
::: 牛油雞翼 (半份) ::: $38
老闆娘話見我地得兩個人所以比我地叫半份試下~ menu好似係無半份叫嘅! 瘦弱嘅雞翼, 賣相已經輸咗, d炸粉仲好似好少咁, 比起其他食評嗰d差唔多細隻一半… 因為牛油蒜好少, 所以食落冇咁肥膩, 不過已經唔太似牛油雞翼…
::: 咖哩牛腩飯 ::: $35
最似樣係呢個, 咖哩十分香濃, 有種獨特香料味道, 整個咖哩都令到無論牛腩, 牛筋, 薯仔味道都提升咗, 牛腩好淋而且好入味, 牛筋更加索到咖哩汁, 而薯仔都好淋, 整個配合十分好~ 其實仲好想叫蒜蓉包黎撈汁, 不過唔想食咁多野而冇叫到…
一路食都真係越黎越多人, d人都係一早book定菜色好似咖哩蟹咁, 可見佢地都係食慣食熟, 同老闆娘有傾有講. 環境方面, 冷氣實在勁得可以, 一路吹住d食物好快凍, 座位尚算可以. 都有機會黎食佢地其他野, 好似咖喱蟹, 檬粉, 亦都俾佢地好平嘅下午茶吸引… 不過最好都係訂定枱.
张贴
