時新漢堡飽 (已結業)

一向都好鍾意黎時新食burger, 係港式風味既burger!黎到時新必食既Burger叫左兩層肉加蛋加芝士！超厚！口感非常正，而且肉汁豐富，加上半溶芝士同有少少流心啲煎蛋，真係好正。重點係真係唔貴，$35，平過麥當勞！炸薯條係粗薯條，口感酥脆。依家好多地方都係比幼薯條，但幼薯條既口感真係比唔上即炸既既粗薯條架！仲要茄汁係用獨立包裝既亨氏蕃茄醬，有誠意👍🏻炸雞脾，真係要去茶餐廳食先夠風味，雞脾都夠大隻！而且唔會炸到好乾。