鴻陞泰國菜

营业中

休息中

見有一排冇食泰國菜，前排就走咗去九龍城由泰國人主理嘅正宗泰國菜鴻星泰國餐廳，特色小食叫左燒雞翼、燒珍寶腸、燒牛丸、同埋燒墨魚丸 ，仲叫咗燒扇貝、同埋燒原隻魷魚。另外叫咗馬拉盞炒通菜、蝦膏炒飯、同埋龍眼冰。 雞翼同珍寶腸燒得超香，外脆內軟再加埋秘製嘅泰國沙嗲醬食，完全好似去咗泰國一樣，牛丸同墨魚丸 就好juicy好有泰國食街邊小吃風味，我覺得最值得推介係個馬拉盞炒通菜，因為上面加咗鮮橙色小乾蝦，但又唔係日本嘅櫻花蝦咁樣，我喺其他 香港餐廳食唔到，完全係泰國傳統做法。而燒魷魚超有鮮味同埋隻魷魚都好大隻，個飯就好有鑊氣加埋蝦膏同埋一啲簡單泰國香料一齊炒，食到停唔到口，個龍眼冰亦都真材實料，啲龍眼多到 滿曬喺杯面，如果想食傳統泰國風味食物，會再 同朋友去鴻陞。