意粉屋 (已結業)

老婆同個friend嚟食lunch。佢話一坐低，個waitress就表示十二點九前埋單有特價(重有個條件喺要十二點三前入座)，set lunch$45減到$38。佢哋結果各要了一客。唔食沙律，兩個都係要湯，係酥皮周打蜆肉湯，老婆話好好飲，而且幾多料。主菜就一般喇，一個要咖喱雞飯，其實係咖喱雞絲飯，分量又少，俾我就唔夠飽。另一個要肉醬意粉，雖然唔係差，但係亦唔覺得特別出色。至於餐後杯咖啡幾香濃，老婆好滿意。雖然有加一，不過佢個friend拎番上次嚟食過嘅舊單出嚟，再有八八折，結果埋單只係$73.6，抵食喇。