塚田農場 (已結業)

尖沙咀海運自從裝修過後，越來越多餐廳進駐，當然，係得呢度開鋪的，都唔會走平民路線。由日本開過來的居酒屋「塚田農場」係其中一間，雖然話係居酒屋，但可以望海景的環境似走高檔路線。呢度最出名嘅係美人鍋（$380），叫美人鍋係因為個湯底係雞湯，上桌時呈濃縮的半固體狀態，加熱後就變成奶白色的湯，非常濃郁，充滿骨膠原。飲啖湯，味道的確幾香濃，不過都唔好忘形飲太多，因為都有飽滯感的。至於材料，兩層架鋪滿雞件、免治雞肉、蔬菜，都幾豐富的。雞件偏鞋（尤其雞胸位），而且湯的味道好似走唔到入雞件裡面，所以味道比較淡，要靠附送的酸汁增味。反而變成雞肉丸的免治雞肉就唔錯，軟綿得來調味亦剛好。蔬菜就同雞湯幾夾，清爽味道可中和雞湯的濃味。另一名物係炭燒走地雞-鹽味（$220），雞係由日本宮崎直送，配以炭火香燒，賣相雖然偏黑，但帶有炭香，加入最簡單的鹽調味，已好足夠。走地雞肉質彈口，味道濃，不錯。梳乎厘玉子燒（$58）有別於一般玉子燒賣相，佢係呈半球體形狀的。本來對佢冇特別大期望，原來好有驚喜。一切開，感覺輕軟如無物，真係幾似梳乎厘，切開仲有蛋汁流出來。玉子蛋味好濃，鹹甜度剛好，可以媲美一門的名物玉子燒。豚肉卷飯糰三