居食屋「和民」 (已結業)

「今晚阿sir請食飯！大家隨便揀！」既然老細請食飯，於是同事就建議去和民，一來近，二來話食物不錯。老實講，唔駛我小黃俾錢，就乜都話好啦！由於沒有訂位服務，所以6點幾便要去霸位，去到時己有不少人在等候，再望望餐牌，老實講，平日我真的不會去試。好不容易終於有位坐，我們十幾人幾乎叫齊了餐牌上所有食物，包括火窩、薄餅、刺身、飯及冷麵等。基本上碟碟都「很大碟」及「精美」。幸好身邊的同事不是暴龍一族。否則真難想像怎樣才會飽。個人感覺非必要不要叫刺身，因為小及貴。用料也不見得高級。相反，個人覺得最抵食及可接受反而係飯後甜品，朱古力軟蛋糕。一舊軟雪糕放在熱熱的軟蛋糕，果種忽冷忽熱的感覺真係冇得頂。可惜朱古力蛋糕太甜，否則會更好。