金記冰室 (形薈)

营业中

休息中

最愛 抵食 高性價比 大大份鐵板餐～～～難得打針唔使返工 偷得浮新半日閒 就去咗筲箕灣嗰邊探朋友Bb 再順道喺佢屋企樓下食個好耐冇食嘅港式地道晚餐🥄～～～餐牌選擇好多 三心兩意左揀右揀底下 我哋就揀咗 自選小菜二人套餐 同鐵板美式雜扒 眼闊肚窄嘅我哋 仲以為自己食得晒 點知佢哋嘅份量超大 最後朋友就打包返去攞俾佢屋企人食😊～～～自選小菜二人套餐裏面包括有兩碗老火湯 兩碗白飯 同兩款小菜 我哋就揀咗新鮮菠蘿咕嚕肉 例牌霸王雞 前者醬汁酸甜開胃 菠蘿爽脆 咕嚕肉彈牙香脆 而後者就清新啲 雞味鹹香 肉質嫩口 兩款都係下飯小菜 我同朋友本身都係減肥唔食白飯🍚 但係由於個餸菜太下飯嘅關係 我哋兩碗飯都食晒😆～～～鐵板美式雜扒就非常豐富 裡面有牛扒🐮沙丹豬扒🐷雞扒🐔腸仔 煙肉等等 可以選配意粉 薯菜或飯 味道方面 各式扒類都幾高質 大大塊不在話下 而且肉質彈牙軟腍 牛扒黑椒香氣濃郁 腸仔有經切開 比平時嘅腸仔更為香脆 （另外值得一提嘅係 佢哋嘅意粉 薯菜或飯 係另上嘅 就好似我哋叫嘅意粉🍝咁 另上會令到意粉冇咁油膩多汁 會相對更健康清新 非常體貼）～～～推薦度：🔥🔥🔥🔥🔥🔥🔥🔥🔥金記冰室 (筲箕灣