丸亀製麵 (成都道) (已結業)

次次見到個Menu都唔知食咩好，上次食咗明太子冷烏冬，但個明太子咸咗少少，今日心血來潮想食腐皮，所以叫咗腐皮烏冬，中同埋大size價錢唔係差好遠，所以叫咗大size，$50有找。外賣都唔係等咗好耐，好快就走咗。今次冇叫埋啲炸嘢，因為有啲喉嚨痛😂如果冇嘅話都會買，同埋佢配料區，會有啲炸天婦羅嗰啲炸粉粒，次次都會放啲落去個湯度。返到屋企個腐皮烏冬仲熱嘅，佢個腐皮好有日本風味，好似係日本啲餐廳食咁，啲烏冬都好彈牙。