十二味 (新都城中心一期) (已結業)

突然好想食辣，今日去寶林探朋友，一要食辣就諗起十二味， 午市套餐超級抵食，味道又夠辣夠麻，食辣非十二味不可。超開心竟然寶林有分店，地鐵出口一出就見到係馬路對面。1. 必食酸菜魚$68， 酸辣度適中，是我喜歡的味道，無骨魚片非常滑溜，再加上雞髀菇、萵苣、酸菜做配菜，俾兩碗飯我都食得曬。2. 水煮牛肉$58，紅油乾辣椒花椒煮嫩滑牛肉，配菜有芽菜、青瓜條、芹菜和蔥斷都係十分爽脆。3. 酸菜肥牛肉麵$58，大大碗的肥牛肉配超粗麵條，約1.5cm寛，麵質簿身又滑溜，好好味。食辣少不了要配上大大杯凍飲，熱情果蘇打和凍柚子蜜一流。