一樂小鍋 (已結業)

上星期去踩單車入馬鞍山，經過石門入商場吃個午餐補充體力，見到1樓有間一樂小鍋有車仔麵揀，為左爭取時間繼續上路，快靚正嘅首選。餐牌選擇頗多，有花膠、牛爽、響鈴等，麵的種類更有較少見的淮山麵、紅菜頭麵，菠菜麵，如不想吃河粉、幼麵試試其他口味也不錯。這次點了花膠、菜肉蒸餃、牛肚河粉，湯底係秘底辣汁（中辣），湯底夠濃，中辣辣度不算太強，份量比我想像中多，花膠勁大塊，飽肚感十足，菜肉蒸餃皮夠薄，餡料十足，牛肚爽口彈牙，夠入味。再喝一杯凍檸茶，繼續向馬鞍山出發。