十二味不只是烤魚 (已結業)

之前黎過食晚餐，未到七點就坐無虛席，今日路過既時候見到原來午餐咁抵食，大部分套餐都係四五十蚊，所以諗都無諗就入左去。酸菜魚 $58唔好以為午餐咁平會將貨就價，碗酸菜魚入面有最少10塊魚，而且魚肉嫩滑無咩骨。酸菜湯底開胃醒神，顏色偏黃而濃郁，明顯落足料，酸菜配飯一齊食一流！桂花冰釀 +$10套餐加$10可以轉桂花冰釀，個名好吸引，好似平時既酒釀丸子變成飲品咁！冰釀香甜而帶桂花清香，質感厚身濃郁，好適合女孩子飲，如果可以加埋丸子更添口感！川式口水雞 $68口水雞上佈滿紅紅既辣椒粒，但唔使擔心，平時食開譚仔5小辣既我都覺得唔太辣；雞好滑溜。清炒時菜 $58為左健康，點左炒時菜，要價$58，相比其他食物，呢碟菜性價比偏低，但炒得爽口而不油膩。