清真牛肉館 (龍崗道) (已結業)

今日收工去九龍城揾食，都未開始search食咩好，就突然諗起清真牛肉館嘅牛肉餅，所以結果係無search 過其他就即快步去左清真牛肉館。今日都幾好彩，人唔算多，唔使等位，剛好有2個位，搭枱坐，但都唔迫，坐得都幾舒適，一坐低就order個牛肉餅同雙拼咖哩(揀左牛腩同羊腩)。牛肉餅皮薄多汁好好味，不過要小心食，一方面熱，另一方面太多汁，好易整到自己。我唔算食得辣，所以咖哩對我嚟講都有d辣，配個飯都幾下飯架。 牛腩同羊腩都好好味，下次會再返嚟試吓佢其他菜式。