時新漢堡飽 (已結業)

早幾日同朋友喺黃埔睇戲，睇完就喺附近搵嘢食。不過發覺黃埔附近好多都係連鎖餐廳，所以我冇咩興趣，行行吓俾我發現呢間港式漢堡店，即刻拉朋友一齊入去試吓。我哋兩個都要左個雙層漢堡芝士蛋，另外加咗一隻滷水雞髀，紅豆冰同埋洋蔥圈配時新醬（即係秘製沙律醬！）等左冇幾耐啲嘢食就到啦，一攞咗個漢堡，就急不及待趁熱食，果然不出所料，好新鮮超級juicy!紅豆冰都幾大杯，而且啲冰夠大粒我鍾意，因為我好唔鍾意飲紅豆冰成日飲到啲冰。一睇d洋蔥圈咁金黃色，就知啲油好新鮮而且炸得啱啱好！份量都幾多。隻時新秘製沙律醬酸酸地好開胃！滷水雞髀好入味，唔只啲皮有味，係連啲肉都入晒味，我覺得水準幾高。香港已經好少呢啲傳統港式漢堡包店，我下次黎黃埔一定會再幫襯！