8號茶居 (順發樓) (已結業)

之前虹方果間食開，見開咗分店即刻幫襯下。水準依然，水滾茶靚，點心即叫即蒸，熱辣辣，夠哂新鮮！每次食親呢間，必食「流心奶黃西多士」 西多外層金黃香脆，流沙奶黃幼滑而且甜度適中，真係最正嘅配搭！糯米雞非常大隻，咸蛋臘腸雞肉……香口惹味。飽肚之選！青咖哩咸水角 新派做法夠特別，外脆內軟，裏面是雞肉粒。咖哩魷魚 夠入味，口感爽脆，麵筋伴碟。雪山叉燒包 白雪雪既脆皮面層，有點菠蘿包既感覺，叉燒餡好味！蟹籽燒賣皇大大粒，餡料豐富，爽口彈牙。養顏紅棗糕 無論去邊食點心我都必點，呢間亦係我食過數一數二好食嘅，紅棗味香，甜度剛剛好，口感煙煙韌韌，感覺清新。