影片
更多
2014-07-16
5031 浏览
上次到陸羽已經係好多年前嘅事，隨著越來越多餐廳嘅選擇，好多時候都忘記一些傳統而特色嘅地方！最近突然記起陸羽嘅杏汁豬肺湯，多年前一試後已十分難忘濃濃嘅杏汁香味，所以即刻打電話Book 位 因為book咗星期六黄昏6：00，我地係唯一一枱客，但7點巳經坐滿8成，7：15 walk-in嘅客巳無位，好在己一早訂枱 一坐底即order最愛嘅杏汁燉豬肺湯，然後就係第二最愛蝦多士。豬肺湯一上枱打開蓋後，杏汁嘅香味令我差d唔記得影相，已急不及待一嚐巳遺忘多年嘅味道。。。果然陸羽嘅招牌貨一直保持水準，杏汁香濃又有自家磨製嘅濃密度，豬肺又清潔得乾乾淨淨，全個湯完全無令我挑剔嘅地方，十分滿足 以前舊式嘅酒樓都會有蝦多士，但近年已很少見到，或者又炸得太多油而蓋過蝦嘅鮮味。。。。但陸羽嘅蝦多士嘅蝦膠口感剛剛好，又唔會太熟太硬，多士鬆脆得嚟又不會太油膩，再加上酸汁，令我完全停唔到口。。。其實之前睇過好多評語都話陸羽嘅伙記態度好差，但今次幫我落單嘅大叔態度好之餘亦十分健談，不是源源不絶嘅廢話，而係同我講每道菜嘅特色，更提議我可試試油泡魚卷，雖然無前兩道菜般出色，但水準已較很多其他嘅酒樓高 。。。真係想再强
最近突然記起陸羽嘅杏汁豬肺湯，多年前一試後已十分難忘濃濃嘅杏汁香味，所以即刻打電話Book 位
因為book咗星期六黄昏6：00，我地係唯一一枱客，但7點巳經坐滿8成，7：15 walk-in嘅客巳無位，好在己一早訂枱 一坐底即order最愛嘅杏汁燉豬肺湯，然後就係第二最愛蝦多士。
豬肺湯一上枱打開蓋後，杏汁嘅香味令我差d唔記得影相，已急不及待一嚐巳遺忘多年嘅味道。。。果然陸羽嘅招牌貨一直保持水準，杏汁香濃又有自家磨製嘅濃密度，豬肺又清潔得乾乾淨淨，全個湯完全無令我挑剔嘅地方，十分滿足
以前舊式嘅酒樓都會有蝦多士，但近年已很少見到，或者又炸得太多油而蓋過蝦嘅鮮味。。。。但陸羽嘅蝦多士嘅蝦膠口感剛剛好，又唔會太熟太硬，多士鬆脆得嚟又不會太油膩，再加上酸汁，令我完全停唔到口。。。其實之前睇過好多評語都話陸羽嘅伙記態度好差，但今次幫我落單嘅大叔態度好之餘亦十分健談，不是源源不絶嘅廢話，而係同我講每道菜嘅特色，更提議我可試試油泡魚卷，雖然無前兩道菜般出色，但水準已較很多其他嘅酒樓高 。。。真係想再强調呢餐食得十分滿足
张贴
