成都老碼頭火鍋 (已結業)

呢間火鍋店可以話係我嘅飯堂，經常都會約朋友過嚟打邊爐。打開餐牌，見到有多款湯底可以選擇，今次點嘅湯底係鮮淆豬骨湯，點咗好多以前冇食過嘅配料。醬汁方面，可以去自助吧嗰度自己調配。肉類方面，有舌尖上的牛舌，牛舌切到超薄，感覺同平時食開嘅燒牛舌好唔同，幾特別。除咗牛舌，我哋仲點咗牛喉，即係牛嘅喉嚨，口感爽脆，點埋辣醬食好正。另外仲點左高原雪花繡球菌同埋台灣水蓮菜。第一次食呢種菜，佢嘅口感脆嫩，含多種營養元素，值得一試。食火鍋配搭新鮮椰青真係好Perfect。。