川大哥

营业中

休息中

途經深水埗，經過 “川大哥” 門口，勾起食酸菜魚的心癮。 店內低調型格佈置，地方細細，但座位舒適闊落，完全冇侷促感覺。先有冷盤泡椒魚皮，勁新鮮爽脆，食落慢慢滲出辣味，配合生切紫洋蔥一齊食，忽然有甜甜甘味，好夾，好開胃。主角係中辣黃金酸菜魚鍋，揀咗生魚片，鮮味盎然，配合大量酸菜、紅椒及大白菜，令整個鍋更加豐富惹味 。見菜單有自家製手工麵，一定要試吓，果然別有風味 ，麵條吸收咗魚湯鮮味，煙韌細緻，口感十足。仲有串燒組合，有雞腎、雞軟骨、雞肉腸、雞翼、牛肉及羊肉各兩串，已燒好先上碟，再用火熱住，方便易食，而醃製嘅調味粉味道幾特別，夠濃香入味，香脆可口。再叫咗辣子肥腸，亦係用火熱住上，唔算肥膩，辣味恰到好處，唔會太乾，有趙口，啱食！Order咗幾款汽水，流線型嘅玻璃樽身，外型極之討好，細細支，好快就飲晒。最想試嘅甜品紅糖糍粑竟然售罄，可能真係太受歡迎，唯有期待下次吧。而最後值得欣賞係女侍應嘅細心招待，令我們感受到用餐的舒適自在。